Biraq tyrna úırengen ornyna qaıtyp kele beredi. Musa Aısauly ony birneshe ret tyrnalar júrgen alqapqa aparyp jiberedi. Dalaǵa jaıylyp úırengen tyrna biraz ýaqyttan keıin Keńaral aýylyna qaıta keledi, adamdardan úrikpeı aýlalarda jaıylady, balalardyń bergen jemin tartynbaı jeıdi. Biraq burynǵydaı emes, adamdarǵa ózin sıpatpaıdy, ózin asyraǵan Musa Duǵaevtyń aýlasyna kirýdi de qoıady.
Jaqynda sur tyrna Keńaral aýylyna jaqyn ornalasqan Lenın selosyna kelip qonyp, kóshede, aýlalarda qaıtadan jaıyla bastaıdy. Munda da ony turǵyndar qyzyqtap, jemdeıdi. Qazir tyrnalardyń jyly jaqqa ushatyn ýaqyty bolyp qalǵandyqtan, aýyldastar sur tyrnanyń taǵy da úıirden qalyp qoımaýyn oılastyrdy.
«О́zimiz Chappı dep atap ketken sur tyrna syńaryn da tappaǵan sekildi. Jazymen jıi kórip júrdik, jalǵyz jaıyldy. Eger bıyl usha almaı qalyp qoısa úsip ketýi nemese ıt-qusqa jem bolýy, tipti tabıǵatqa ashkózdikpen qaraıtyndardyń qurbanyna aınalýy da múmkin. Ol ótken jylǵydaı emes, ósti, jabaıylandy, sóıte tura tyrnalar úıirine de qosyla almaǵan», deıdi Musa Duǵaev.
Lenın aýylynda turatyn eger Ivan Iаýfman da osy pikirmen kelisip, aýyldy kezip júrgen sur tyrnany «Bannovskoe» ańshylyq sharýashylyǵyna aparyp tapsyrdy. Sharýashylyq mamandary múmkindiginshe tyrnanyń úıirmen qosylyp ushýyn qarastyrmaq, eger usha almasa ary qaraı tyrnanyń taǵdyryn sheshetin bolady. Redaksııaǵa sur tyrnany ajaldan aman alyp qalyp, ósirgen Musa Aısauly ony jemdegen sáti men sýretterin jibergen bolatyn.
Názıra Járimbet,
«Egemen Qazaqstan»
Qostanaı oblysy
